Gəncənin icra başçısının birinci müavini Elnur Rzayev Seulda olub

Gəncənin icra başçısının birinci müavini Elnur Rzayev Seulda olub

Gəncə Şəhər İcra Hakimiyyəti başçısının birinci müavini Elnur Rzayev Koreya Respublikasının paytaxtı Seulda olub. O, burada Asiya İnkişaf Bankı və “CityNet” şirkətinin birgə təşkilatçılığı ilə “Mərkəzi Asiya Regional İqtisadi Əməkdaşlıq Proqramının əhatə etdiyi şəhərlərin aşağı karbonlu inkişafı” mövzusu ilə əlaqəli II Beynəlxalq Forumda iştirak edib.

101.az bildirir ki, forum zamanı Sistemli Aşağı Karbon Dönüşümü üçün ətraf mühitin inkişafı və problemlərinin həlli mövzusunda müzakirələr aparılıb. Müzakirələr zamanı bildirilib ki, nəqliyyat sektorunda havanın təmiz saxlanılması üçün aşağı karbonlu prioritetlərə kapital qoyuluşları müəyyən edilməli, iqlimə təsirin yumşaldılması üzrə tədbirlər görülməli, o cümlədən aşağı karbon inkişafı sahəsində olan təcrübə mübadiləsini həyata keçirərək yaşıl, rəqabətqabiliyyətli, dayanıqlı şəhərlər yaradılmalıdır.

“CityNet” şirkətinin baş katibi Vijay Jagannathan çıxış edərək, aşağı karbonlu şəhər inkişafının İqlim Dəyişikliyi Gündəliyində aktuallığını və Asiya İnkişaf Bankının inkişaf edən üzv ölkələrə aid qlobal aşağı karbon siyasətindəki son hadisələrdən danışıb.

Şəhərlərin Aşağı Karbonlu İnkişafı mövzusunda II Beynəlxalq Forumda ən yaxşı beynəlxalq təcrübələr bölüşdürülüb.



101.az
Şikayət və ya narazılığınız var? - Bizə zəng edin: +994 707 707 101


ƏN SON XƏBƏRLƏR