Qazaxıstanda rekord göstərici

Qazaxıstanda rekord göstərici

İlkin məlumata görə, 2020-ci ilin yanvar-dekabr aylarında Qazaxıstanda rekord sayda - 425,6 min uşaq dünyaya gəlib.

101.az bildirir ki, bu barədə “Kazinform” BİA ölkənin Milli Statistika Bürosuna istinadən xəbər verir.

Bu göstərici 2019-cu ilin müvafiq dövrü ilə müqayisədə 22,6 min nəfər və ya 5,6% və daha əvvəlki rekordun (417,1 min nəfər) qeydə alındığı 1987-ci illə müqayisədə isə 8,5 min nəfər və ya 2% çoxdur.

2020-ci ilin göstərilən dövrü ərzində şəhər ərazisində doğulanların sayı 248,7 min nəfər və ya 58,4%, kənd yerlərində isə 176,9 min nəfər və ya 41,6% təşkil edib.

Doğum zamanı ananın orta yaşı 29,2 olub.

Anaların milliyətinə görə doğulan uşaqların 79,8%-i qazax, 7,9%-i rus, 4,4%-i özbək, 1,5%-i uyğur, 0,9%-i ukraynalı, 0,7%-i tatar və 0,7%-i almandır.

2020-ci ilin yanvar-dekabr aylarında doğum sayının ümumi əmsalı hər 1000 nəfər əhaliyə 22,40 nəfər təşkil edib.

101.az (qafqazinfo az)
Şikayət və ya narazılığınız var? - Bizə zəng edin: +994 707 707 101


ƏN SON XƏBƏRLƏR