Çimərliklərdə dəniz suyunun monitorinqi aparılır

Çimərliklərdə dəniz suyunun monitorinqi aparılır

Çimərliklərdə dəniz suyundan götürülən nümunələrin ilkin nəticələri bir neçə gündən sonra məlum olacaq.

Bunu Səhiyyə Nazirliyinin Respublika Gigiyena və Epidemiologiya Mərkəzinin şöbə müdiri Ziyəddin Kazımov deyib.

Onun sözlərinə görə, mayın 21-dən çimərliklərdə dəniz suyunun monitorinqləri aparılır:

“Suyun tərkibi radioloji, kimyəvi və toksikoloji analizlərdən keçirilir. Bir neçə gündən sonra hansı çimərliklərin istifadəyə yararlı olub-olmaması bilinəcək.

Dəniz suyundan nümunlərin götürülməsi oktyabrın 1-dək hər 15 gündən bir aparılacaq”.

Ziyəddin Kazımov qeyd edib ki, dəniz suyunun monitorinqləri Bakı Şəhər İcra Hakimiyyətinin sərəncamı ilə paytaxt ərazisində fəaliyyət göstərəcək 7 rayonun inzibati ərazisində yerləşən çimərliklərini, Abşeron, Azərbaycanın şimal və cənubunu əhatə edir.

Qeyd edək ki, hər il Bakı Şəhər İcra Hakimiyyətinin sərəncamı ilə iyunun 15-dən çimərlik mövsümü açıq elan edilir.

Ötən il aparılmış müayinələrin nəticələrinə görə, “Şıx” və Sumqayıt çimərliklərində bakterioloji çirklənmə müşahidə olunub.


101.az (mənbə-oxu.az)
Şikayət və ya narazılığınız var? - Bizə zəng edin: +994 707 707 101


ƏN SON XƏBƏRLƏR