Gəncə Dövlət Kukla Teatrı Nizami Gəncəvinin “Yeddi gözəl” poeması əsasında hazırladığı “Xeyir və Şər” uşaq tamaşasını təqdim edib

Gəncə Dövlət Kukla Teatrı Nizami Gəncəvinin “Yeddi gözəl” poeması əsasında hazırladığı “Xeyir və Şər” uşaq tamaşasını təqdim edib

19 noyabr 2021-ci il tarixində Azərbaycan Respublikasının Mədəniyyət Nazirliyinin təşkilatçılığı ilə respublikamızda noyabr ayının 15-dən start götürmüş Nizami Gəncəvi Beynəlxalq festivalı çərçivəsində keçirilən silsilə tədbirlərin davamı olaraq Gəncə Regional Mədəniyyət İdarəsinin dəstəyi ilə Gəncə Dövlət Kukla Teatrının aktyorlarının Nizami Gəncəvinin “Yeddi gözəl” poemasından hazırladıqları “Xeyir və Şər” tamaşası təqdim edilib.

Tamaşadan əvvəl Azərbaycanın müstəqilliyi ərazi bütövlüyü uğrunda şəhidlik zirvəsinə ucalan Vətən övladlarının əziz xatirəsi bir dəqiqəlik sükutla yad edilib.

“Xeyir və Şər” tamaşasının quruluşçu rejissoru, Gəncə Dövlət Kukla Teatrının direktoru, Respublikanın Əməkdar artisti Fərmail Paşayev, quruluşçu rəssamı Fəxri Mədəniyyət İşçisi Əntiqə Bədirovadır.

Tamaşada Nizami Gəncəvi rolunda Əməkdar artist Xudayət Əsgərov çıxış etmişdir, Xeyir Məhəmməd Hacıyev, Xudayət Əsgərov (Kukla aktyor), Şər Şamil Məmmədli (II Vətən müharibəsi iştirakçısı), Elmar Vəliyev (Fəxri Mədəniyyət işçisi) Kukla aktyor, Çoban Səməd Xanəhmədov (Fəxri Mədəniyyət işçisi), Çobanın arvadı Mahirə Haqverdiyeva, Çobanın qızı Nahidə Namazova (Fəxri Mədəniyyət işçisi), Nərmin Şərifova (Kukla aktyor), Şah Elmar Vəliyev (Fəxri Mədəniyyət işçisi), Şah qızı Zülfiyyə Əliyeva, Dayə Yeganə Məmmədova.

Gəncədə Nizami Gəncəvinin 880 illiyinə həsr olunmuş Nizami Gəncəvi Beynəlxalq Festivalı noyabr ayının 26-dək silsilə tədbirlərlə davam edəcəkdir.













101.az
Şikayət və ya narazılığınız var? - Bizə zəng edin: +994 707 707 101


ƏN SON XƏBƏRLƏR