Rihanna bu ölkənin Milli Qəhrəmanı oldu - Video

Rihanna bu ölkənin Milli Qəhrəmanı oldu - Video

Məşhur müğənni Rihanna Barbados ölkəsinin Milli Qəhrəmanı adına layiq görülüb.

101.az xarici mediaya istinadən xəbər verir ki, bu barədə ölkənin Baş naziri Mia Mottli respublikanın elan edilməsi münasibəti ilə keçirilən mərasimdə bildirib.

Hökumət başçısı çıxışı zamanı “Almaz kimi parlamağa və ölkənin qüruru olmaqda davam et” sözləri ilə onu təltif edib.

Qeyd edək ki, 1988-ci ildə Barbadosda anadan olan Rihanna müğənnilik karyerasını davam etdirmək üçün 16 yaşında ABŞ-a köçüb. O, doqquz "Qremmi" mükafatının sahibi və dünyada ən çox satış edən sənətçilərdən biridir. İfaçı 2018-ci ildən Barbadosun ABŞ-dakı fövqəladə və səlahiyyətli səfiridir.

Noyabrın 30-da Barbados ada ölkəsi Böyük Britaniya Taxt-Tacının hökmranlığından çıxıb.



101.az (axşam az)
Şikayət və ya narazılığınız var? - Bizə zəng edin: +994 707 707 101


ƏN SON XƏBƏRLƏR