09-12 Noyabr 2023 il tarixlərdə Latviyanın Dauqavpils şəhərində kombat ciu-citsu üzrə Dunya çempionatı keçirilib. Azərbaycanı həmin yarışda Daxili İşlər Nazirliyinin (DİN) idman cəmiyyətinin 7 idmançısı təmsil edib. İdmançılarımız çempionatın "Ground fight“, "Full contact”, “Close kontakt” və "Self-defence" bölmələrində iştirak ediblər.

Dünya Çempionatında qadınlar arasında Fidan Yusifova (68 kq) - "Cloze contact" bölməsində birinci yer tutaraq ölkəmiz üçün bu yarışın ilk yüksək qələbəsini əldə etmisdir. Sonradan F.Yusibova "Ground fight" bölməsində 3-üçüncü, "Self defence" bölməsində isə 2-ikinci olmuşdur. 45 yaşdan yuxarı kişı veteranlar arasında Məğrur Əhmədov (85 kq.) "Self defence" bölməsində qızıl medal qazanıb. Əhmədov M. " Full contact " bölməsində 2 -yer, " Cloze contakt" və "Graund fight" bölmələrində isə daha iki bürünc medal qazanmışdır. Komanda üzvləri - Şirin Şırinov, Amir Abdı və Əli Bəylərov "Ground fight" və " Self defence" bölmələrində üçüncü yer tutmuşdular. İki idmançımız Səid Qəmbərli və Rövşan Hacıyev çətin mübarizədə məğlub olublar. Ümümilikdə idmançılarımız yarışdan ölkəmizə 2 -qızıl, 2 gümüş, 6- bürünc medal gətirib.

Komandanı Dunya çempionatına Eldar Məmmədov və Etibar Şıxzadayev hazırlaşdırıb. Baxtiyar Sıxzadayev və Yusif Əlihüseynovun komandanın yarışa hazırlıq prosesində xüsusi rolunu qeyd etmək lazımdır.

Komandanın rəhbəri, DİN-in idman cəmiyyətinin əməkdaşı, Fəxri bədən tərbiyəsi və idman işçisi, Əməkdar məşqçi Rəsul Məmmədov Dünya çempionatına Baş hakim qismində dəvət alıb və onun rəhbərliyi altında həmin yarışın hakim briqadaları idarə olunub.

Qeyd edək ki R.Məmmədov Beynəlxalq Kombat Ciu-citsu Federasiyasının Hakimlər komitəsinin sədridir və dəfələrlə dünya, Avropa və Asiya çempionatlarını idarə edib.























101.az

---

Şikayət və ya narazılığınız var? - Bizə zəng edin: +994 707 707 101